Мамнуъияти пахши филми "Одам-тортанак" дар кишварҳои исломӣ
Ба гузориши "ИКНА" ба нақл аз "Daily Mail", филми пурфурӯши ҷадиди "Spider-Man: Across the Spider-Verse" аз феҳристи синамоҳои чандин кишвар бо аксарияти мусулмон ҳазф шуд.
Ширкати "Empire Entertainmentt", тавзеъкунандаи Ховари Миёнаи ин анимейшени сохти " Sony Pictures", ҳанӯз дар ин бора тавзеҳи надодааст.
Дар сафҳаи расмии "Твиттер"-и синмои Арабистони Саудӣ, дар баёнияе ҳамроҳ бо пӯстери филм омадааст, ки ин созмон ҳеҷ филмеро, ки бо муқаррароти мӯҳтавои расонаӣ кишвар муғоират дошта бошад ва ширкатҳои тавлидкунандаи он мутааҳҳид ба иҷрои ислоҳоти лозим набошанд таъйид нахоҳад кард.
Ин филми суперқаҳрамон бо ҳузури Майлз Моралес, дар нақши Одам-тортанак, дар синмоҳои Иёлоти Муттаҳида дар авоили июн икрон шуд. Дар ибтидо қарор буд намоиши он дар 22 июн ва пеш аз таътилоти иди Қурбон дар Ховари Миёна оғоз шавад. Ин филм ҳафтаи гузашта дар барномаҳои синмои кишварҳое монанди Кувайт, Аморати Муттаҳидаи Араб, Уммон, Арабистони Саудӣ, Қатар, Баҳрайн, Лубнон ва Миср қарор гирифт, аммо намоиши он ба таври ногаҳонӣ мутаваққиф шуд.
Гуфта мешавад вуҷуди як саҳна, ки парчами ҳамҷинсгароҳо, ки рӯи он иборати "Аз бачаҳои ҳамҷинсгаро муҳофизат кунед" дида мешавад боиси мамнуъияти намоиши филм шудааст.
Амороти Муттаҳидаи Арабӣ ин филмро ба таври расмӣ мамнуъ накардааст, аммо намоиши он дар синмоҳои ин кишвар мутаваққиф шудааст. "Emaar Entertainment", ки як ниҳоди давлатӣ аст ва ширкати бузурги синмои Амороти Муттаҳидаи Арабӣ "Reel Cinemas", ба Ассошиэйтед Пресс гуфтаанд, ки филмро намоиш нахоҳанд дод. Ин ширкат, ин тасмимро ба "Empire Entertainment", тавзеъ кунандаи инҳисории синмои филмҳои "Sony Pictures" дар Ховари Миёна нисбат дод. Илова бар Аморот ва Арабистон, Кувайт, Малайзия, Қатар, Баҳрайн, Уммон, Лубнон ва Миср низ намоиши ин филмро мутаваққиф кардаанд.
